“Ev memleket makeqanûneke li gor bawerîya xwe heq dike”

ÇEWLÎG - Serokê Giştî yê HUDA PARê Zekeriya Yapicioglu di civîna çapemeniyê ya ku li dar xist de di derheqê xebatên makeqanûna nû de destnîşan kir ‘Ev memleket makeqanûneke ku li gor kevneşopî, bastan, civak û baweriya hemwelatîyan be.’

“Ev makeqanûnê bûye boxçaya pînekirî”

“Li gor me teleba xelkê makeqanûnekê nû ye.Ev makeqanûnê ji sala 1982an vir ve heye.Ev makeqanûnê bûye boxçaya pînekirî.Çendîn caran guhartin hatin kirin.Bi qasî tê fêmkirin ew ê cardin guhartin bê kirin.Ew ê ji ser makeqanûna mewcûd guhartina pergela hikûmetê bê kirin.Di derheqê vê yekê de lîderê partiya muxalefetê yê sereke dibêje ‘Ev yek teklîfa guhartina rejîmê ye.’ Û li ber vê yekê radibe.Xwezî wisa bana.Ew xususên ku   xelk bi şikleke şidet li dijî wan disekine digel ku guhartin bên kirin dîsa weke xwe bimînin.”

“Ev guhartin dê têne kêrî anîna serokatiyê bê û dê kêrî tu tiştê din jî neyê.”

Yapicioglu di berdewama axavtina xwe de destnîşan kir ew arzu dikin ku di warê xebatên makeqanûnê de bi partîyên li derveyê meclîsê re jî hevdîtin bê kirin û nêrîna wan jî bê girtin.Yapicioglu dû re wiha li axavtina xwe zêde kir: “ 4 partiyên ku di meclîsê de ne li ser 60 madeyan li hev kirin, lê wê jî pêk neanîn.Digel guhartina nû 4 madeyên ewil û tarîfa hemwelatîtiyê dê neyê guhartin.Ev guhartin tê kêrî anîna serokatiyê bê û dê kêrî tu tiştê din jî neyê.Guhartin bê kirin jî em ê dîsa bînin rojevê.Ger ku xelk vê yekê teleb bike , înşaallah rojekê ew makeqanûna ku xelk teleb dike çêbibe.Em ê bixwazin ev makeqanûn mîllî be.A niha exlebeyên yasayan ji xerbê tên îthalkirin. Ev memleket makeqanûneke ku li gor kevneşopî, bastan, civak û baweriya hemwelatîyan be heq dike.”

 “Em ji çavê hemwelatîyan li pergela ku hikûmet dixwazî bîne dinêrin”

Yapicioglu di berdewama axavtina xwe de di derbarê mijara serokatiyê de wiha axivî: “Pergala serokatiyê divê ne li gor şexsan be.Mekanîzma divê bi şikleke wisa bê damizrandin ku sibe serokekî niyet xirab dema ku xwest nikaribe zilmê li hemwelatîyan bike.Ji bo vê divê mekanîzmayên  fren û kontrolê di nava pergalê de hebin.Teleba me ev e. Em ji çavê hemwelatîyan li pergela ku hikûmet dixwazî bîne dinêrin.Ger ku ev pergal li gor meslehata  xelkê be, em ê piştgiriyê bidinê.Lê ger ku ne wisa be em ê  li dijî bisekinin.”

 “Ji bo hikûmet karibe meseleya PKKê çareser bike divê meseleya telebên xelkê Kurd û meseleya PKKê ji hev cûda bigire”

Yapicioglu di berdewama axavtina xwe de qala pirsgirêka PKKê kir di derheqê mijarê de destnîşan kir ji ber polîtîkayên şaş ên rejîmê  problema PKKê derketiye holê û ji bo hikûmet karibe meseleya PKKê çareser bike divê meseleya telebên xelkê Kurd û meseleya PKKê ji hev cûda bigre.Yapicioglu dû re wiha pê de çû: “Ger ku hûn komeke ku di destê wî de çek heye û hûn jê re dibêjin teror e  weke temsîlkarê Kurdan rûnenin hemberî xwe cihê ku hûnê bigihîjine dê ev der be.Ger ku bibêjin ‘Em mişkîlê dikin du beş û em ê teleba hemwelatîyan tedarik bikin’ wê demê ev metodeke rast e.Hewce nîne Emrîkayê ji nû ve keşif bikin.Wextekî 63 însanên aqilmend hewil dan ji 7 hereman telebên xelkê ji hikûmetê re bigihijînin.Di bin vê qubbeyê de tiştê ku nehat şitaxalîn gelo ma?Teleb diyar in û tiştên ku divê hikûmet bikin jî diyar in.Ger ku muxatabên xwe ji kesên ku nêzî xwe ne an jî ji kesên ku nêzî partiyeke din in bihilbijêre ev xelet e.Lê belê ji her qismê civakê însan bên muxatabgirtin ev yek metodeke rast e.”

 “Ger ku nifir û bedduaya mezlûman bigre dê wî kesî hilweşîne”         

Yapicioglu di dawiya axavtina xwe qala kesên ku ji wezîfê hatine dûrxistin kir û destnîşan kir di nava wan kesên ku bi KHKyê ji peywirê hatine dûrxistin de gelek kesên ku mexdûr bûne hene û dû re wiha dawî li axavtina xwe anî: “  Nifir û beddûayên wan kesên ku ji teref FETO ve zilm li wan hatin kirin rêxistina ku jê re FETO tê gotin hilweşand.Hikûmet divê vê yekê ji bîr neke. Ger ku nifir û bedduaya mezlûman bigre dê wî kesî hilweşîne. Ew xwe  ji gelek hikûmetan zêdetir muqtedîr didîtin, lê belê digel vê yekê serserkî bûn.Li gor baweriya me  di navbera bedduaya mezluman û Xweda de perde nîne.Ji bo mezlûmiyetên nû pêk neyên divê hikûmet bi dîqet be.”(ÎLKHA)