A A A

Ji HUDA PARê bangewaziya Mescîda Eqsayê

: 2017-07-17 14:35

NAVENDA NÛÇEYAN - HUDA PAR ji îşxala ku ji teref rejîma sîyonist ve tê kirin re bertek nîşan da û bang li temamê Mislimanan kir da ku li dijî îsraîla siyonîst bê deng neyê mayîn.

Ji HUDA PARê  bangewaziya Mescîda Eqsayê

Weke ku tê zanîn rejîma îşxalker a siyonîst berî vê çend rojan têketin  û derketina Mescîda Eqsayê girtibû û li Mescîda Eqsayê kirina nimêja Înê asteng kiribû û her wiha di hewşa Mescîda Eqsayê de 3 ciwanên Filistînî şehîd kiribû. 

Ji ber van sedema  ji teref Navenda Giştî ya HUDA PARê ve daxuyaniyek hat weşandin. Di daxuyaniya ku hat weşandin de  kiryarên îsraîlê siyonîst hatin telînkirin û bang li temamê Mislimanan hat kirin da ku li dijî bidestxistina temamê Mescîda Eqsayê û li ser temamê Qudsê bûyîna xwediyê gotinê ya îsraîla sîyonîst û îşxalker bêdeng neyê mayîn.

Di berdewama daxuyaniyê de girtina Mescîda Eqsayê, şehîdkirina Mislimanên Filistînî û li ber têketina Mescîda Eqsayê danîna dedektoran di bîra hat xistin û dû re wiha li axavtina xwe zêde kir: “ Ji ber qerara rejîma îşxalker a siyonîst a ku ji xwe re îhlalkirina heqên însanî û binpêkirina hiqûqa navneteweyî kiriye adet,  heftiya borî roja înê birayên me yên Misliman nimêjên xwe ji dêla ku di Mescîda Eqsayê de bikin li ber sûrên bajêra kevin eda kirin. Em wê îsraîla ku  heq û hiqûqê nas nake, hemû cûr zilman li birayên me yên Mislimana dike, bi Îslamê re dijminantiyê dike û  her tim êrîşî nirxên Îslamî dike  ji ber qerarên ku standine telîn dikin û lenetê lê tînin.”

Rejîma îşxalê hewil dide Mescîda Eqsayê bi dest bixe û li ser temamê Qudsê bûbe xwediyê gotinê

Di berdewama daxuyaniyê de hat ragihandin teşebûsa herî dawî ya îsraîla îşxalker gav bi gav bi dest xistine Mescîda Eqsayê û li ser temamê Qudsê bûyîna xwediyê gotinê ye. Dû re wiha li daxuyaniya hat zêdekirin: “ Ji ber qerara rejîma îşxalker piştî 48 salan cara ewil li Mescîda Eqsayê nimêja înê nehatiye edakirin. Ev jî ne bes e bû, rejîma îşxalker dedektor danîn li ber têketina Mescîda Eqsayê û şerta lêgerîna li ser Mislimanên ku ji bo îbadetên tên mizgeftê  û tabutên ku ji bo nimêja cinazê tên anîn anî. Polêsên rejîma îşxalker heta melayê gund hemû kesî ji Mescîda Eqsayê derxist û dest danî li ser telefonên dergevanên dildar ên Mescîda Eqsayê. Qetilkirina Mislimanan û ew qerarên ku bi hinceta ewlehiyê tên dayîn û pê îbadet û taatên Mislimanan tên astengkirin  hewildana bidestxistina Mescîda Eqsayê û li ser temamê Qudsê bûyîna xwediyê gotinê ye.”

Di dawiya daxuyaniyê de hat ragihandin ew ê rejîma îşxalker piştî demekê Mislimanan bi temametî ji Mescîda Eqsayê meni’ bike û wiha hat gotin: “Em bang li  temamê Mislimanên cîhanê dikin da ku dengê xwe  li dijî  sepan û zextên îsraîla siyonîst bilind bikin û jê re bertek nîşan bidin.”(ÎLKHA)

 



Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.

 “Divê ji karkerên zireatê re ji bo ku mecbûr nemînin qadên nû yên kar bên vekirin”

“Divê ji karkerên zireatê re ji bo ku mecbûr nemînin qadên nû yên kar bên vekirin”

2017-08-23 14:40:29

Serokê Bajêra Êlihê yê HUDA PAR Davut Şahîn derheqê karkerên zireatê de diyar kir ji bo xelkê heremê ji wan şert û mercên giran ên karên demsalî re mecbûr neyên mayîn divê qadên nû yên kar bên vekirin.

Ji faciaya traktorê rondik û xeyal man

Ji faciaya traktorê rondik û xeyal man

2017-08-23 12:09:47

Leyla Boza ku di qezaya li Sakaryayê de qîz û hevsera wê wefat kirin bi şikleke kelegirî diyar kir hevserê wê ji bo xaniya ku xeyala wî bû ava bike çûbû findiqan.

 “Ger li Tirkiyê serdestiya hiqûqê hebe bila nîşanî me bidin”

“Ger li Tirkiyê serdestiya hiqûqê hebe bila nîşanî me bidin”

2017-08-23 10:33:31

Zarokên Hamdullah Demîrtaşê ku ji ber nasnameya xwe ya Îslamî bi salan di girtîgehê de tê girtin û nexweş e destnîşan kirin, bavên wan belesebeb û bi neheqî hatiye girtin û tê cezakirin.

Hemû Nûçe

Derket holê ku li Heskîfê teqemenî hatiye bikaranîn

Li Heskîfa dîrokî ya ku navçeya Êlihê ye derket holê latên ku dibûn sedema xeterê bi teqemeniyan hatine hilweşandin.

Di dema derbasbûna wesayîta leşkeriyê de teqîn: 2 birîndar

Li Gevera Colemêrgê di dema derbasbûna wesayîta leşkeriyê de teqemeniya ku berî niha hatibû bicîkirin hat teqandin, di encama teqînê de 2 leşker birîndar bûn.

2 PKKyî hatin kuştin

Di operasyonên ku li Diyarbekirê li dijî PKKê hatin lidarxistin de 2 PKKyî hatin kuştin û PKKyiyek jî wek sax hat girtin.

Kerwana Ûmudê li Sêrtê ji malbatên feqîr re alîkarî kir

Kerwana Ûmudê ya ku kar û barên xwe li Sêrtê birêve dibe ji malbatên feqîr re alîkarî kir.

Di warê zamê de lihevkirin çêbû

Di bazara zamê ya salane ya memûran de lihevkirin çêbû.
Hemû Nûçe