24°Li Mereşê bernameya Wîladeta Pîroz hat tertîpkirin
MEREŞ - Ji teref Paltforma Evîndarên Pêxember ve li Mereşê bernameya Wîladeta Pîroz hat tertîpkirin. Mehmet Goktaşê ku wek axavtvan beşdarî bernamê bû diyar kir niha alema Îslamê li benda heq û edaletê te.
Li Mereşê ji terf Îkra-Dera ku endamê Platforma Evîndarên Pêxember e ve li Salona Konferansê ya Mehmet Akîfê bernameya Wîladeta Pîroz hat lidarxistin. Çend kes ji HUDA PARê û gelek STK beşdarî bernamê bûn û xelk jî eleqeyeke mezin nîşan da.
Îlahiyatnas û Nivîskar Mehmet Goktaşê ku wek axavtvan beşdarî bernamê bû diyar kir ‘Alema Îslamê li benda heq û edaletê ye. Ji ber wê yekê em vê taybetiya WÎ tînin zimên, dikin nav xwe û em ji bo ji xelkê re belav bikin hewil bidin.”
Goktaş di berdewama axavtina xwe diyar kir ji bo heq û edalet bê tesîskirin divê Misliman bi hêz bin û dû re wiha pê de çû: “ Ji bo edalet bê tesîskirin hêz lazim e. Divê Misliman bi hêz bin. Mislimanê bêhêz heta dixwaze bila qelbê wî bi merhemetê tijî be, dixwaze bila di bûyereke biçûk de hêstir ji çavên wî bibarin û dixwaze bila dema ku zarokek ket erdê tehemmul neke dema ku hêz û qeweta wî tunebe nikare tu tiştî bike. Tiştê ku dê ew ê bike li camî û malan de bikin girî ye.”
“Dema ku firset têkeve destên bêîmanan ew ê hewil bide însanan ji xwe re bike evd”
Goktaş di berdewama axavtina xwe de diyar kir dema însanên bêîman hêzê dikin destên xwe dibin zalim û wiha li axavtina xwe zêde kir: “ Xweda ji bo ku em adil bin ji me dixwaze ku em biqewet bin. Dema ku hêz dikeve destên însanên bêîman ew dibin zalim. Taybetiya herî mezin a zaliman ev e. Dema ku hêz dikeve destên wan dibin Fîrewn û dema ku firset têkeve destên bêîmanan ew ê hewil bide însanan ji xwe re bike evd. Taybetiya herî mezin a însanên bi îman jî dema ku qewet û hêz dikeve destên wan li hember bi edalet muamele dikin. Însanetî edaletê ji hêzdar û dewlemendan hêvî dikin. Lê dema ew tuxyan dikin dinya dikeve vî halî.”
Goktaş di dawiya axavtina xwe de diyar kir Ewrûpa gihaştiye temamê hêz û qewetê û ji ber bêîmanetiya xwe winda kiriye.(ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
