9°“Em tev Misliman in”
WASHÎNGTON - Qedexeya seyahetê ya ku ji teref Serokê DYEyê Donald Trump ve ji bo çend hemwelatiyên welatên Misliman hatibû anîn di dawiya heftiyê de li gelek bajarên DYEyê hat protestokirin û pêşander di xwepêşanan de dowîzên ‘Em tev Misliman in’ vekirin.
Her weke ku dê bê bîran berî vê çend rojan ji teref Donald Trumpê Serokê DYEyê ve di derheqê welatiyên 7 welatên Misliman ên mîna Îran , Lîbya, Iraq, Sûriye, Somalî û Yemenê de têketina wan a Emrîkayê ya ji bo seyahetê hatibû qedexekirin. Ev qerara qedexekirinê bû sedem ku xelk li Emrîkayê xwe berde kolan û sikanan û xwepêşanan li dar bixin. Di dawiya heftiyê de li Parka Batterya ku li başûrê Manhattana New Yorkê ye bi deh hezaran pêşandar xwe berdan kolananan û qedexê pretosto kirin.
Pêşandarên ku xwe berdabûn kolanan dowîzên ku li ser wan nivîsên ‘We are all muslims now / Em tev Misliman in", "No ban no wall liberty & justice for all / Ji derxistina welêt û ji lêkirina dîwar re na, azadî û edalet ji bo hemî kesî" dihat nivîsandin vekirin. Pêşandaran bang li tevahiya kesên ku li welêt dijîn kirin da ku ew jî xwe berdin kolanan.
Ji bilî van agahiyan hat hînbûn 16 serdozgerên eyaletan jî diyar kirin ku ew ê li dijî vê qerara Trump dest bi hereketê bikin. Di daxuyaniya ku ji teref serdozgerên ku endamê Partiya Demokrat in ve hat dayîn de hat destnîşankirin ‘Ji bo hikûmeta Emrîka li gor makeqanûnê hereket bike, ji bo rûmet li dîroka me ya ku neteweyeke koçê ye nîşan bê dayîn û ji bo ji ber nasname û baweriyan neheqî li însanan neyê kirin em ê hewil bidin.’
Donald Trump di daxuyaniya ku roja yekşemê dabû de qerarnameya ku îmze kiribû parast. Piştî van hewadîsan Rêhewaya Aîr Franceya Fransayê 15 rêwiyên Misliman negirt balafirê.
Her wiha piştî van geşedaniyan hikûmetên Îran û Iraqê destnîşan kir ew ê têketina welêt ya hemwelatiyên Emrîka qedexe bikin. Hikûmeta Iraqê di çarçoveya van bûyeran de heta 90 rojan têketina Iraqê ya welatiyên Emrîka qedexe kir û destnîşan kir ger ku Emrîka vê sepanê rabike ew ê jî dawî li vê sepanê bînin. (ÎLKHA)
Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.
