A A A

Danezana encamê ya 2 yemîn Hevdîtina Alimên Kurdistanê hat xwendin

: 2016-10-24 11:45

DIYARBEKIR - Dawî li 2 yemîn Hevdîtina Alimên Kurdistanê ya ku ji teref Îttîhad’ul Ulema ve hat lidarxistin û wek mêvan alimên ku ji Tirkiye, Îran, Iraq û Sûrî beşdarê bernamê bûbûn hat. Piştî bernamê danezana encama 2 yemîn Hevdîtina Alimên Kurdistanê hat xwendin.

Danezana encamê ya 2 yemîn Hevdîtina Alimên Kurdistanê hat xwendin

Danazana bernameya ku 2 roj wek 4 niştin hat lidarxistin bi zimanên Kurdî, Tirkî û Erebî  hat weşandin. Danezanê wek Kurmancî Mela Abdulsamed Yalçin xwend.

Encamnameya hevdîtına alimên Kurdistanê ya 2 yemîn

Bîsmîllahîrrahmanîrrehîm

Hemd ji Rebbê aleman re be û selat û selam jî li ser Resûlê Wî be.

Hevdîtina 2 yemîn a Alimên Kurdistanê ya ku îsal di tarîxên 22-23ê maha dehemin de ji teref Yekîtiya Medrese û Aliman ve hatiye organîzekirin li Diyarbekirê hat tertîpkirin. Em di serî de ji Yekîtiya Medrese û Aliman re teşekur dikin ku di tertîpkirina vê bernamê de keda wan heye û bi giştî jî ji temsîlkar û nûnerên Camiayên Îslamî û ustadên bi qedr û qiymet ên  ku ji Kurdistana Tirkiyê, Iraqê, Sûriyê û ji Kurdistana Îranê beşdarî bernameyê bûne re teşekur dikin û Xweda ji we tevan razî be.

Ev Hevdîtina 2yemîn a Alimên Kurdistanê, berdewama hevdîtina yekemîn e û qerarên ku di vê hevdîtina duyemîn de hatine dayîn jî dîsa berdewama qerarên hevdîtina yekemîn in. Di vê hevdîtinê de du meseleyên sereke yên girîng hatin bidestxistin. Ji van meseleyan a yekem ‘Ummet û Ulema’, ya din jî ‘Pirsgirêka Kurdan û Pêşniyaz/Teklîfên Çareseriyê’ ye. Di vê hevdîtinê de di bergeh û çarçoveya ummetbûnê de wezîfe û karê ulemayê Kurdistanê ya di warê meselaya Kurd/Kurdistanê de hat nîqaş û munaqeşekirin; bi heman awayî ev hevdîtin diyar û eşkere kir pêwîst e ku mesele û pirsgirêka Kurdan di çarçove û di nav sînorên ummetê de bê nirxandin û bidetxistin. Di vê Hevdîtina 2yemîn a Alimên Kurdistanê ya ku du rojan berdewam kir de  gelek beşdarvan û mêvan axavtin kirin û di derbarê hinek mijar û meseleyan de tiştinan teblîx kirin. Ji van axavtin û teblîxên ku hatine dayin ev tespît hatine kirin:

1-Hevdîtina Alimên Kurdistanê, di pêşi de li Kurdistanê û bi tevahî/giştî jî li temamê cografyaya Îslamê hewil dide û ji xwe re kiriye armanc û hedef ku di çarçoveyên îmkan û qederên xwe de ji bo selametî, hizûr û aramiya temamê însaniyetê bixebite.

2-Ev sazî/camîa divê bibe wesîle ku alim hev dû nas bikin, li hev bikin û di hedefên nîhaî de arîkariya hev bikin. Di warê avêtina van gavên ku ji bo vê armanc û meqsedê pêwîst in de divê dereng neyê mayîn û tiştên lazim bên kirin û gavên pêwîst bên avêtin.

3-Ev hevdîtin ne tenê cihê dan û standina fikran, yanî ne tenê cihê îstîşareyê ye; bi heman awayî ev der cih û warê  kesên ku di hedef û armancan de  xwediyê fikrên hevparin e, divê kesên ku di hedef û armancên xwe de hevpar û muşterek in  li vê derê cemi’ û kom bibin.

4-Divê ev îrade di warê çareseriya problem û mişkîleyên temamê Kurdan de bibe xwediyê beyankirina fikr û ramanekê û bi heman awayî pêwîst e ev îrade di warê  çareseriya problem û mişkîleyên temamê Kurdan de bibe organîzasyona îcraata pêwîst.

5-Ev organînazyon;  di warê çareseriya sê problem û mişkîleyên serekê yên Kurdan de reçeteyeke berbiçav divê destnîşan bike ku ew her sê problemên sereke jî ev in: faqîrtî û jartî, cehalet û nezanîn, îxtîlaf û lihevnekirin.

6-Erdinagariya Kurdistanê parçeyeke Ummeta Îslamê ye ku divê Hevdîtina Alimên Kurdistanê bi vê  bawerî, şû‘ûr û têgihiştinê ji bo islahkirina civakê xwe, xebatên pêwîst bike û ji kirina van xebatên islahê re bibe rêber û pêşeng.

7-Ev hevdîtina aliman,  ji bo tesîskirina biratiya Îslamê, xesetên li erdnigarî û cografyaya Kurdistanê û bi giştî li temamê erdnigarî û cografyaya Îslamê divê gavên pêwîst bavêjê û xebatên ku divê di vî warî bên kirin lazim e ku bike.

8-Ev îrade; li dijî bêdîntî, qewmiyetperestî, mezhebperestî, tekfîrvan  û li dijî fikrên îfrad ên  ku Kurdistan û cografyaya Îslamê dorpêçkirine divê tedbîrên Îslamê yên weset û pratîk pêk bîne û tesîs bike.

9-Ev sazî, divê di serî de mudaxeleyî  bêhiqûqiyên ku li Kurdistanê pêk tên bike û pêwîst e ku bibe deng û hawara mezlûman. Digel vê yekê divê li gor qansî  îmkanên xwe hewil bide da ku ji mazlûmiyeta coğrafya  Îslamê re bibe çare.

10-Ev digelhevî, divê li dijî zilm, zext,mezalîm û sîtemkariya ku him li Kurdistanê û him jî li erdnigariya Îslamê tên kirin re çareserîyan peyda bike. Lê ev peydakirina çareseriyan divê ji gotin û kiryarên ku şidet di nav wan de hene dûr be.

11-Hevdîtina Alimên Kurdistanê,  ji bo ku karibe li dijî îfsad û xerakirina ku di nava civakê de tê kirin nesleke dîndar perwerde bike, divê çareserînan peyde bike û ji bo vê peydekirina çaraseriyan divê xebateke zêde û xurt bide destpêkirin.

12-Emperyalîst ji ser îfsada pîrek û jinan berê civakê didin fesadiyê ku divê alim bi  xeyret û hewildana xwe li ser profîl û karaktera pîreka Misliman bisekinin û divê xebatên islahkirina pîrek û jinan bikin.

13-Hevdîtina Alimên Kurdistanê, divê bi temamê alim û cemaetên Îslamî yên li Kurdistan û erdnigariya Îslamê re hevdîtinên semîmî û gelek zêde xurt bike û bi heman awayî pêwîst e  di navbera van de bibe wasite û pirek da ku  temam hev nas bikin û li hev bikin û bi hev re guftegoyê bikin.

14-Ev îrade destnîşan dike, ji bo islah û pêşveçûna medreseyên Kurdistanê  di navbera medreseyan de têkilî, diyalog û guftego luzum û elzem e û divê di vî warî de mufredat û bernameyeke hevpar ango müşterek bê xezkirin. Bi heman awayî ev îrade bawer dike ku divê di vî warî de gavên bi lez pêwîst bên avêtin.

15-Hevdîtina Alimên Kurdistanê ji temamê kesên beşdervan û mêvanan   teleb dike ku di warê     tiştên ku dê di wexteke kurt, navîn û dirêj de bên kirin de û di warê gavên ku dê bên avêtin de çareseriyan peyde bikin.

16-Wek encam qerar hat dayîn ku ev organîzasyon ango bername her sal bi şikleke peryodîk di meha dehemîn de bê tertîpkirin. Pêwîst e kesên ku heta niha piştevanî û destekê dane vê organîzasyonê bi heman awayî ji niha û pê ve jî piştevaniyê bidin vê organîzasyonê.

17-Ji bo ku ev  hevdîtin bibe organîzasyon û hevdîtineke mayînde  û ji bo taqîba qerarên ku hatine dayîn damezrandina komîsyonekê munasîb hatiye dîtin.

Em ji Rebbûl-Alemîn niyaz dikin, ev bernameya ku bi beşdarbûn û bi teblîxên we  mêvanên bi qedr û qiymet dewlementir bû û dê jê îstîfadeyeke baş bê girtin, ji bo Îslam, Misliman û însanetiyê  bibe wesîleya feydeyên mayînde. Em di dûmahî û netîcê de ji ber kedên we, cenabê we bi hurmet silav dikin, emanetî  Xwedê bin. (ÎLKHA)



Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.

 “Mişkîleyên me ji teref şaredariyê ve tên zanîn lê tu kes serê xwe pê naêşîne”

“Mişkîleyên me ji teref şaredariyê ve tên zanîn lê tu kes serê xwe pê naêşîne”

2017-08-18 09:42:02

Şêniyên Gundê Şenika girêdayê Çewligê diyar kirin li taxa wan mişkîleyên mîna av, rê û çopan heye û ev yek ji teref şaredariyê ve têt zanîn, lê belê tu kes serê xwe pê naêşîne.

Tunela ku ji aliyê Nisêbînê ber bi Sûriyê ve dihat kolan hat dîtin

Tunela ku ji aliyê Nisêbînê ber bi Sûriyê ve dihat kolan hat dîtin

2017-08-18 08:55:15

Li Nisêbîna navçeya Mêrdînê tuneleke ku ber bi aliyê Sûriyê ve dihat kolan hat dîtin.

Traktora ku karkeran vediguhast qulibî: 7 mirî 20 birîndar

Traktora ku karkeran vediguhast qulibî: 7 mirî 20 birîndar

2017-08-18 08:42:11

Li Hendeka navçeya Sakaryayê traktora ku karkeran vediguhast qulibî, di encama qezaya ku pêk hat de 7 karker jiyana xwe ji dest dan û 20 karker jî birîndar bûn.

Hemû Nûçe

“Em bi kêf û şahiya Eyda Qurbanê ji feqîran re goşt belav bikin”

Mustafa Ozarslanê ji rayedarên Kerwanê Ûmudê yê Entabê ye destnîşan kir ew xebatên Eyda Qurbanê dane destpêkirin û banga bexşandina qurbanan li xêrxwazan kir.

Li Venezuelayê di girtîgehê de pevçûn: 37 mirî

Li başûrê Venezuelayê di girtîgehekê de di navbera girtiyên çekdar û erkdarên ewlehiyê de pevçûn derket, di encama pevçûna ku derket de 37 kes mirin.

Li Sîerra Leonê hejmara miriyan derket 400î û 600 kes jî winda ne

Hejmara miriyan ên kesên ku ji ber barana zêde û lehiyê li Freetowna Sîerra Leonê jiyana xwe ji dest dan derket 400î, her wiha hat ragihandin ji ber lehiyê 600 kes jî winda ne.

Yûsufiyên mexdûr ên ku di salên 90î de serî li ber zilmê netewandine li benda azadiyê ne

Ew Yûsufiyên ku li ber wê bagera tarî ya salên 1990an, pêvajoya bi sir û seqem a 28ê Sibatê, zext, cinayet û qetlîamên JÎTEM û PKKê serî netewandine û bi kumpas û komployên FETO hatine mexdûrkirin hêj li benda ji holê rakirina mexdûriyetan in.

Li Şirnexê pevçûn: Eskerek jiyana xwe ji dest da

Hat diyarkirin di pevçûna ku li Şirnexê derket de eskerek jiyana xwe ji dest da.
Hemû Nûçe