Malbatên ku ji teref FETO ve hatine mexdûrkirin ji Serokomarî re name şandin

DIYARBEKIR - Înîsîyatîfa Malbatên ku Mexdûrên FETO û 28ê Sibatê ne ji Serokomar Recep Tayîp Erdoganî û ji xanima wî re name nivîsandin û mexdûriyetên xwe anîn ziman.

Malbatên mahkûman çûn Şaxa PTTê ya li navçeya Baglara Diyarbekirê.Malbat nameyên ku berî niha nivîsandibûn ji Serokomar Recep Tayîp Erdoganî û ji xanima wî re şandin.

Piştî şandina nameyan li ser navê malbatên mahkûman Asuman Yapici axavtinek kir û destnîşan kir ew di nameyên ku şandine de mexdûriyetên xwe anîne ziman.

Yapici di berdewama axavtina xwe de destnîşan kir naskirîyên wan bêsûc û belesebeb di girtîgehan de tên girtin û wiha li axavtina xwe zêde kir: “Me nameyan, ji Serokomar Recep Tayîp Erdoganî û ji xanima wî re şand.Em hewil didin mexdûriyetên xwe bînin ziman. Naskirîyên me bêsûc û belesebeb di girtîgehan de ne.Ew kesên ku di wextê wê de ceza dan wan ango ew hakim û dozger a niha ji FETO hatine girtin û di girtîgehan de ne.Ger ku ev hakim û dozger hatibin girtin muheqeq qerarên ku ew dane jî xelet in.Zarok, kek û birayên me a niha belesebeb di girtîgehan de ne.”

Yapici di daxwiya axavtina xwe de ji Serokomar Erdogan teleb kir ji bo naskirîyên wan rêya darizandineke ji nû ve bê vekirin.(ÎLKHA)