A A A

Wezîrê Zîraetê yê Kurdistanê ji ÎLKHAyê re axivî

: 2016-03-26 18:03

Hewlêr - Wezîrê Kurdistana Başûr Abdussettar Mecîd piştî ku axavtina wî ya Kurdî hat astengkirin re di derbarê tiştên ku pêk hatine de ji ÎLKHAyê re axivî.

Wezîrê Zîraetê yê Kurdistanê ji ÎLKHAyê re axivî

Her weke ku tê zanîn li Qonyayê 14emîn Fuara Teknolojiyên Zeviyê di navbera dîrokên 23-27ê Adarê de dihat lidarxistin ku Wezîrê Zîraetê yê Kurdistana Başûr Abdussetar Mecîd jî ji vê fuarê re hatibû dawetkirin.Mecîd dema ku kiribû di destpêka fuarê de bi Kurdî biaxive ji teref komîteya amadehiya fuarê ve hatibû astengkirin û nehiştibûn ku Mecîd bi Kurdî biaxive.

Wezîr Mecîd di derbarê mijarê de ji ÎLKHAyê re wiha axivî: “Beriya her tiştî protokol baş bû û bi şikleke baş me pêşîwazî kirin. Me li wê derê bi Wezîrê Bazirganî û Gumrukê re  bi Waliyê Qonyayê re û bi alîkariyê Wezîrê Ziraetê re civînek li dar xist. Min bi xwe di wê civînê de bi Kurdî axivîm. Axavtina min ji teref kesê tercuman ve bi Tirkî hat tercumekirin. Di wê civîna ku hat kirin de tu pirsgirêk derneket.”
 

 “Hereket û kiryarên mîna van tu fedê nadin çareseriya Pirsgirêka Kurd”

Mecîd di berdewama axavtina xwe de diyar kir rayedarên fuarê li wê derê jê xwestine ku an bi Îngilîzî an jî bi Tirkî biaxive lê wî bixwe vê yekê qebûl nekiriye.Mecîd dûvre wiha li axavtina xwe zêde kir: “Hemû tişt bi şikleke baş dest pê kir. Me got ku em ê di derbarê fuarê de axavtinekê bikin.Ji ber vê yekê navê me qeyd kirin. Piştî vê qeydkirinê hatin û ji me re gotin ‘Tercûman heye lê pêwîst e ku hûn an bi Tirkî an jî bi Îngîlîzî biaxivin.’  Min jî ji wan re got ku ez bi Îngîlîzî dizanim lê ez dixwazim ku bi Kurdî biaxivim. Vê yekê qebûl nekirin û gotin ku ji vê yekê re wext tune ye. Ez ê di fuarê de tiştên baş gotibana.Lê bi vî awayî hereket kirin ku ev yek jî baş çênebû.Kiryarên mîna vê tu feyde nadin çareseriya pirsgirêka Kurd.”

 “Ev tiştê ku hatiye kirin ji teref xelkê Tirkiyê ve nehatiye kirin”

Mecîd di berdewama axavtina xwe de diyar kir sedema van pirsgirêkan komîteya tertîbê bû û dûvre wiha li axavtina xwe zêde kir: “Ev astengkirin meseleyeke şexsî bû.Me gilî û gazinên xwe yên di derbarê vê mijarê de ji walî û serokê şaredarîyê re kir. Walî ji me re got ku haya wan ji vê tune ye. Ev tiştê ku hatiye kirin ji teref xelkê Tirkiyê ve nehatiye kirin. Sedema vê pirsgirêkê kesên ku organîzasyonê kiribûn bûn. Walî Muammer Erol û Serokê Şaredariyê  Tahîr Akyurek  ji ber vê meselê xemgînîyên xwe anîn ziman.”

 “Li Tirkiyê hêj zêhniyeteke ku ji berê maye heye”

Her weke ku tê zanîn gelek parlementerên biyanî û binkî  û her wiha şîrketên navneteweyî beşdarî vê fuarê bûbûn ku Mecîd di berdewama axavtina xwe de ew kiryara ku li fuarê li dijî wî hatiye kirin rexne kir û wiha dawî li axavtina xwe anî: “Li Tirkiyê hêj têgihiştineke ku ji berê maye heye û ev zihniyet tenê xwe baş dihesibîne.”(ÎLKHA)



Hişyariya Zagonî: Mafên tamamê vîdyo, wêne û xeberên nivîskî yên ku hatine weşandin aîdî Ajansa Nûçeyan a Îlkê ya Şîrketa Hevpar e. Heta ku hevpeymana nivîskî an jî abonetî neyê kirin bi tu sûretî temamê an jî qismekî fotograf, vîdyo û xeberan nikare bên bikaranîn.

Li Venezuelayê di girtîgehê de pevçûn: 37 mirî

Li Venezuelayê di girtîgehê de pevçûn: 37 mirî

2017-08-17 08:14:25

Li başûrê Venezuelayê di girtîgehekê de di navbera girtiyên çekdar û erkdarên ewlehiyê de pevçûn derket, di encama pevçûna ku derket de 37 kes mirin.

Li Sîerra Leonê hejmara miriyan derket 400î û 600 kes jî winda ne

Li Sîerra Leonê hejmara miriyan derket 400î û 600 kes jî winda ne

2017-08-16 17:58:28

Hejmara miriyan ên kesên ku ji ber barana zêde û lehiyê li Freetowna Sîerra Leonê jiyana xwe ji dest dan derket 400î, her wiha hat ragihandin ji ber lehiyê 600 kes jî winda ne.

Li Yemenê heta niha 500 hezar kes bi nexweşiya kolerayê ketin

Li Yemenê heta niha 500 hezar kes bi nexweşiya kolerayê ketin

2017-08-15 13:27:55

Li gor rapora Rêxistina Tenduristiyê ya Cîhanê li Yemenê heta niha 500 hezar kes bi nexweşiya kolerayê ketin.

Hemû Nûçe

“Em bi kêf û şahiya Eyda Qurbanê ji feqîran re goşt belav bikin”

Mustafa Ozarslanê ji rayedarên Kerwanê Ûmudê yê Entabê ye destnîşan kir ew xebatên Eyda Qurbanê dane destpêkirin û banga bexşandina qurbanan li xêrxwazan kir.

Li Venezuelayê di girtîgehê de pevçûn: 37 mirî

Li başûrê Venezuelayê di girtîgehekê de di navbera girtiyên çekdar û erkdarên ewlehiyê de pevçûn derket, di encama pevçûna ku derket de 37 kes mirin.

Li Sîerra Leonê hejmara miriyan derket 400î û 600 kes jî winda ne

Hejmara miriyan ên kesên ku ji ber barana zêde û lehiyê li Freetowna Sîerra Leonê jiyana xwe ji dest dan derket 400î, her wiha hat ragihandin ji ber lehiyê 600 kes jî winda ne.

Yûsufiyên mexdûr ên ku di salên 90î de serî li ber zilmê netewandine li benda azadiyê ne

Ew Yûsufiyên ku li ber wê bagera tarî ya salên 1990an, pêvajoya bi sir û seqem a 28ê Sibatê, zext, cinayet û qetlîamên JÎTEM û PKKê serî netewandine û bi kumpas û komployên FETO hatine mexdûrkirin hêj li benda ji holê rakirina mexdûriyetan in.

Li Şirnexê pevçûn: Eskerek jiyana xwe ji dest da

Hat diyarkirin di pevçûna ku li Şirnexê derket de eskerek jiyana xwe ji dest da.
Hemû Nûçe